Guztira sei lasterketa izan ziren atzo hipodromoan ikusi ahal izan zirenak. Jokoan zegoen sari nagusia Gipuzkoako Foru Aldundikoa zen. Jendetza bildu zen beste behin ere hipodromoan astelehena izan arren. Ikuskizuna adituek esan moduan, bikaina izan zen nahiz eta protagonista nagusiak Clunia eta Fortun izan. Hauek alde garrantzitsuak atera zizkieten bere arerioei denborari dagokionez euren lasterketetan.
Clunia arratsaldean banatu zen hirugarren sarian nagusitu zen eta Fortunek berriz eraman zuen sari nagusia, Gipuzkoako Foru Aldundiarena. Lasterketa honetan gainera zaldi baten hutsunea suertatu zen izan ere, Leitzaran eskuineko eskuan mina izateagatik parte ez hartzea erabaki zuten bere jabeek.
Bi zaldi hauen lana ikusita adituek urrezko kopa sarian hauen maila bikaina izango dela aurreikusten dute.
