Eguerdian elkartaratzea egin dute anbulategiaren aurrean.
Murrizketak onartezinak direla salatzen dute eta zerbitzu publikoetan murriztuz, erabiltzaileek ondorioak pairatuko dituztela azpimarratu nahi dute protesta hauekin. "Argi daukagu bajak direnean ez dituztela ordezkoak jarriko eta zerbitzua nabarmen okerragoa izango dela". Horretaz gain, euren soldatetan jasango dituzten murrizketak ere onartezinak direla salatzen dute.
Ostiralero euren protestak egiten jarraitzeko asmoa azaldu dute langileek eta erabiltzaileak ere eurekin bat egitera dei egiten dituzte.