Lasarte-Oria Bai! Kros herrikoian izena ematea zabalik

Txintxarri Aldizkaria 2012ko irailaren 20a
Deskargatu Info Ahotsak :
Español English Français Català Galego

Ostadar Saiarre Kirol Taldeak urtero bezala XVII.Lasarte-Oria Bai! Kros Herrikoia eta XII.Kros Txikia antolatzen ari da. Aurtengoan urriaren 28an ospatuko da eta dagoeneko helduen krosean parte hartzeko izen-ematea zabaldu dute interneten.

Herriko Ostadar Saiarre Kirol Taldea XVII.Lasarte-Oria Bai! Kros Herrikoia eta XII.Kros Txikia antolatzen ari da. Aurten kros herrikoia urriaren 28an izango da eta elkarteak jakitera eman duenez, dagoeneko helduen krosean parte hartzeko izen-ematea zabaldu da elkartearen web gunean. http://www.ostadarskt.org edota zuzenean www.kirolprobak.com-en. Izena ematea urriaren 24ra arte egin ahal izango da. Bulegoan berriz, urriaren 15ean izango da aukera izen emateko, bai txiki eta bai helduentzat.

Izen-emate arrunta 12 euro gehi txipagatik eskatzen diren 5 eurotako fiantza ordaindu behar dira. Ostadarreko bazkideek 8 euro gehi 5 euroko fiantza ordaindu beharko dute; txip horia dutenek 11 euro eta hauek bazkideak badira 8euro.