Megafonoa eskutan hartuta, independentzia eta sozialismoaren aldeko hainbat lelo zabaldu zituzten. Postu moduko bat ere jarri zuten gerturatzen ziren gazteei mazedonia banatzeko eta horrekin batera informazio-testu bat banatu zuten gazteen artean. Eztabaida prozesua otsailera arte luzatuko da, hiru bloketan banatuta. Beraz, lehenik, Lasarte-Oria “zukgutzeko” asmoz, antolatzaileek urriaren 12an arratsaldeko 18:00etan Villa Mirentxun egingo den “Kapitalismoa eta Nazioarteko egoera orokorra” eztabaidan parte-hartzeko deia luzatu dute (ondoren afaria egingo da Xirimirin). Gainontzeko bi blokeetako eztabaida-gaiak “Euskal Herriko ziklo politiko berria” eta “Gazte estrategia” izango dira.
