Lasarte-Oriako Udalak ez du Urriaren 12an Hispanitatearen Eguna ospatzeko asmorik eta prentsa ohar baten bidez jakinarazi duenez Udalaren zenbait zerbitzu zabalik egongo dira besteak beste, Errejistroa, Idazkaritza, Udal Euskaltegia, Euskara eta Hirigintza Zerbitzuak. Kultur Etxea itxita egongo da eta baita diruzaintza, kontuhartzailetza eta Villa Mirentxuko bulegoak ere.
Lasarte-Oriako egungo Udal gobernuko ordezkarien ustez, urriak 12a, Hispanitatearen eguna, ezarritako jai egun arrotza da eta beraz, Udaleko zenbait zerbitzu beste egunetan bezala eskainiko dira. Horrela, datorren ostiralean, normal irekiak izango dira, besteak beste, Errejistroa, Idazkaritza, Euskara Zerbitzua, Pertsonala, Brigada, Udal Euskaltegia eta Hirigintza saila. Kiroldegia goiz partean egongo da irekita, goizeko 9etatik 13etara bitartean.
Villa Mirentxu eta Kultur Etxea itxita egongo dira.
Itxita egongo dira egun osoan Kultur Etxeko eta Villa Mirentxuko eraikinak eta baita kontuhartzailetza eta diruzaintza bulegoak ere. Iaz, abenduan, Konstituzioaren eguna Ama Birjinaren egunarekin lotu eta aste betez itxita egon zen Udala, eta Gobernu berriko ordezkariek barkamena eskatu zuten hainbat zerbitzu ez zirelako eskaini ere egin. Orduan Pablo Barrio alkatearen Gobernu taldeak aurreko agintarien erabakia errespetatu beharra zutela eta barkamena eskatu zuten “sortutako eragozpenengatik” eta alkatetzaren asmoa “aurrera begira horrelakorik berriro ez gertatzea” dela adierazi zuten. Orain Udal Gobernuak, urriaren 12an zenbait zerbitzu eskaintzea erabaki du.
