Besteak beste Sasoetako ikasleek larunbata arratsaldean egingo duten Esazu irratsaioa dago gehitutako ekintzen artean. Horretaz gain, aipatu honetan ez direla jaso Benedikarako irteera guztiak edota Udaletxeko bisita guztiak nahiz eta hauek mantendu noski!
Maratoia sarean
Horretaz gain gogoratu Euskararen Maratoiaren jarraipen zehatza egingo dela Txintxarri.info-ko atal berezian. Bertan ekintza guztietako argazki eta bideoak izango dituzue asteburuan zehar. Sare sozialetan ere Maratoiak lekua hartzea nahi dugu beraz Facebooken eta Twitterren #euskararenmaratoia erabilita, lagundu jaialdi honen berri ematen!
Gainera San Pedro jaietan egindako zuzeneko emanaldiek izan zuten arrakasta ikusita, Maratoian ere hauek egingo dira hiru momentu ezberdinetan. Hauen berri emango dizuegu egun hauetan.