Larunbatean Euskararen Maratoia ospatzearekin batera Jalgi Kafe Antzokiak ere musika gau berezia antolatu nahi izan du. Bertan Mr Dubbin DJ-aren emanaldia izango da 23:30ean hasita. Besteak beste funky, salsa eta musika afrikarraz gozatu ahal izango dute bertara gerturatzen direnek.
Datorren ostiralean berriz, urriaren 26an, 23:00etan Kantaginjazz emanaldia izango da Jargin ere. Iñaki Salvador pianoan eta Ainara Ortega kantariarekin euskal kantu klasikoak jazz doinuetan entzun ahal izango dira. Bi emanaldietarako sarrera doan da.