Ondoren irteera eman zaio Buruntzako erronkari. Flores eta Garzia bizikletan atera dira Okendotik eta euriak ingurua lokaztu arren inork espero ez zuen emaitza lortu du Garziak, errekorra hautsi du 38:48ko denborarekin. Jonathan Flores eta Iraitz Arruabarrena atzean utzi ditu bidean erori den arren. Hala ere lan bikaina egin dutela ezin zalantzan jarri kontutan izanda euri zaparrada mardulek eta lokatzak ez dutela erraza jarri proba.
Herri kirolak eta konbinatua
Telleria harrijasotzaileak ere izan dira Okendon. Beñat eta Urtzik erakustaldi polita eskaini dute. Bitartean proba konbinatuan lehiatu dira Ostadarreko bi talde eta Ttakuneko gazteek osatutako bat. Horrela ergometroan, tirolinan, patinetan eta korrika indarrak neurtu dituzte.
Babarrun lehiaketan berriz, epaimahaiak zaila izan du baina azkenean garaile izan dira Marian Bueno eta Bakartxo Alkorta. Marianentzat bigarren txapela da eta hasieratik babarrun hoberenak beraienak zirela argi zeukan.