Langabetuek bidea moztu dute, Ertzantzak protesta egiteko baimena eskatu ondoren.
Hipodromo kalean, Euskotren geltoki inguruan, Ertzantzak gelditu egin du langabetu taldea eta manifestazioa egiteko baimena eskatu diete. Langabetuen ordezkariek baimena erakutsi eta bi ertzainek papera itzuli bitartean bertatik ez mugitzea eta Hipodromo kalearen bi norabideak moztea erabaki dute. Zaratatsua izan da momentua, langabetuen txistua jo ohi dute manifestazioan eta horri, auto eta kamioietan zirenen bozina hotsak gehitu bait zaizkie. Auto ilarak sortu dira, baina protestak ez du luze iraun, gutxi gorabehera ordu laurden batean egon da etenik zirkulazioa. Behin poliziek langabetuei paperak itzuli dizkienean eten dute hauek protesta eta ohi bezala kultur etxerantz abiatu dira. Ordurako poliziek laguntza eskatuta zuten eta Ertzantzaren bi furgonetan hurbildu dira Hipodromo kalera, baina ez dute esku hartu beharrik izan.