Iaz Gipuzkoako gomazko paletako lehenengo txapelketan parte hartu zuten eta Lasarte-Orian ikusi ahal izan ziren taldearen entrenamendu eta partida batzuk.
Elkarteko kideek jakitera eman dutenez, kirol honetan jarduteko egokiak diren gurpil aulki hauetako bakoitzak 3.500 euro inguru balio du eta Pagazpe elkarteak ezin die honelako gastuei aurre egin.
Jaialdi berezia
Horregatik, dirua biltzeko jaialdi berezia antolatu du elkarteak larunbata honetan Usurbilen.
Honetan, lau partida ikusi ahalko dira. Gurpil aulkian jokatutako gomazko paletako bi partida izango dira lehenik, Iñaki-Aingeru bikotea Hilario-Patxi-ren aurka eta Edurne-Edorta eta Patxi-Beñat-en arteko norgehiagoka.
Jarraian partida berezia ikusiko da. Honetan Mikel Goñik eskuz eta zutik bikote baten aurka lehiatuko da, Beñat-Edorta. Hauek aulki gurpindunean eta gomazko paletarekin jokatuko dute.
Laugarren partida, berriz, eskuz binakakoa izango da. Santxo-Fernando Goñi eta Mikel Goñi-Urruzola bikoteak izango dira aurrez aurre.
Sarrerek bost euro balio dute eta pilotariek jakin arazi dute, bertara joan, apustua egin eta asmatzen dutenen artean, sari bikainak zozketatuko dituztela.