Udalak aurreko bileretan haiek proposatutako ideia, kezka eta iradokizunei irtenbide teknikoa eman eta osteguna eta ostiraleko bileretan erantzun horien berri eman zitzaien.
Gauzak erabakitzeko aukera ere izan zuten, hala nola, Udalak jarriko dituen iragarki-taulak auzoetan non kokatu.
Aste honetako bilerak
Aste honetan zehar bilerek jarraituko dute auzo ezberdinetan. Gaur, Basaundi eta Oriako bizilagunen txanda izango da, bilera Basaundiko auzo elkartean izango da.
Asteartean, Zumaburu eta Goikaleko herritarrenek Udal euskaltegian izango dute bilera; asteazkenean, Garaikoetxea ikastolan Atsobakarreko auzotarrekin bilduko dira; ostegunean Sasoeta ikastetxean Sasoeta auzoaren txanda izango da eta ostiralean erdiguneko bizilagunak Manuel Lekuona kultur-etxera hurbildu beharko dira.
Bilera guztiak 19:00etan hasiko dira.