Amiantoaren eraginez gaixo zegoen herritarra zendu da

Txintxarri Aldizkaria 2012ko azaroaren 28a
Deskargatu Info Ahotsak :
Español English Français Català Galego

CCOO sindikatuak jakitera eman duenez D.V Lasarte-Oriako bizilaguna larunbatean zendu zen amiantoak eragindako biriketako minbiziaren ondorioz. Sindikatuak duela hilabete batzuk eman zuen jakitera herritar honen kasua. Izan ere ezintasun iraunkor absolutua onartu zion Gipuzkoako Gizarte Segurantzak Donostia ospitaleko langile zela amiantoa eta erradiazio kaltegarriak pairatzeagatik gaixo zegoela aitortuta.

Donostiako ospitaleko langilea izan zen.
D.V Donostiako ospitalean lan egin zuen argiketari bezala eta bertan amiantoa eta bestelako erradiazio kaltegarrien eragina pairatu zuen. Honakoa 70 eta 80 hamarkadetan izan zen eta denbora honetan langileak bere lanaren jarduna burutu zuen beharrezkoak ziren prebentzio neurriak hartu gabe. Biriketako minbizia gaixotasun profesional bezala aitortu zitzaion herritarrari iaz.

Sindikatuaren esanetan Lasarteoriatarra amiantoaren eraginez hiltzen den 26. behargina da aurten. Egoera hau gogor salatu nahi izan du CCOOk.