David Rosco Urnietako kirol zinegotzia, Ainara Rodriguez Andoaingo kirol arduraduna,Taxio Arrizabalaga Lasarte-Oriako kirol zinegotzia eta Usurbilgo kirol arduraduna Iñaki Ugarte gaur eskainitako prentsaurrekoan.
BEZaren igoera
Prentsaurrekoan azaldu duten legez, Buruntzaldeko akordioa dela eta, kirol tasaren prezioa urtero lau udalen artean adosten da. "Orain arte, irizpide orokorra KPIaren igoera soila zen" aipatu du Tasio Arrizabalagak.
Aurten ordea, tasak ezohiko igoera bat izango du, %6,51. Honen arrazoia BEZaren igoera da. "Lau herrion zerbitzuetan izugarrizko igoera suposatu du. Hainbat eta hainbat kontratuetan %8a ordaintzetik, %21a ordaintzera," azpimarratu dute.
Eta Udalen helburu nagusia kirol zerbitzuak mantentzea denez, lau herrietan BEZak suposatu duen igoeraren media, %4,66a gehi maiatzeko KPIa, %1,85a, gehitzea erabaki dute. "Badakigu hau herritarrek haiengan hartzea oso gogorra eta desatsegina dela," aipatu dute.
Era berean, 2013 urteko tasari soilik eragingo diola jakitera eman dute, "hemendik aurrera, berriro ere, KPIaren igoera aplikatzen jarraituko genuke".