Ana B. Garcia pianistak, Susana Cencillo akordeoi-joleak eta Juan Ignacio Emme txeloak osatutako hirukoteak kontzertu zoragarria eskaini zuen kultur-etxean Astor Piazzolla konpositorearen errepertorioko zenbait obra interpretatuz.
Gainera, Udal Musika Eskolako ikasle Andrea Gonzalezek Kepa Junkeraren “Huriondo“ obran lagundu zuen, maisuki.
Brumas Norteñas
Igande eguerdian berriz, kantabriako Comillas herritik gurera etorritako “Brumas Norteñas” abesbatzak kantabria aldeko mendi zein itsas kantu tradizionalak eta gabonetakoak uztartu zituen. Bitxikeria gisa, euskarazko “Haurtxoa sehaskan” lo-kanta abestera ere ausartu ziren kantabriarrak eta jendeak zutik txalotu zituen. Amaieran, Albokak eta Brumas Norteñasek oroigarriak trukatu zituzten, eguna gogoratzeko.