Telleri baserriko txerria ekarriko dute Okendo plazara. Talo eta gaztainak 2,00 eurotan salduko dira eta taloarekin egindako ogitartekoak 3,50 eurotan.
Arratsaldeko 17:30ean hasiko da egitaraua haurren erromeriarekin. 18:00ak inguruan aterako dira Xumela abesbatzakoak plaza inguruan gabon kantak abesteko, gutxi gorabehera 18:30ean Earra! Bertso eskolako bertsolariek kantatuko dute eta ondoren hasiko da erromeria. Kukuka antzerki eta dantza eskolako kideak, plaza dantza, Erketz, Amalur-eko musikari eta herriko txistulariak saiatuko dira plazan bildutakoak dantzan jartzen.