Atseden labur baten ostean, euskal gabon abestiak interpretatu zituzten bigarren blokean, Lartaun Txistulari Taldearen laguntzaz. Besteak beste, "Aleluia", "Olentzero" edota "Hator hator" bezalako klasikoak entzuteko aukera izan zen Maddalen Dorronsoro zuzendariaren esanetara.
Gauean bestelako estiloak
Kultur Kale Zikloaren barnean, poesia, antzerkia, munduko musikak eta folkaren artean saltari ikusi genuen Mugaldekoak taldea Jalgin publiko arretatsu baten aurrean. Abend garagardotegian berriz, Gabba Gabba Heyren punk-a (Ramones bertsiotuz), Octopus Garden-en melodia (Beatles-i tributoa eginez) eta AZ/DZ taldearen rock-a (AC/DCren bertsioak eginez) entzuteko aukera izan zen oraingo honetan. Guztiek bildu zuten jende asko eta ostiral gaua giro onean igarotzeko asmoz kontzertuak ikustera hubrildu ziren koadrila ezberdinak, bikoteak edota bihotz bakarti bat edo beste ere bai.