Errekorra
Eneritz Busto erregularra izan proba guztietan eta lehenengo postuetan izan bost probetan.
60 metro hesi-lasterketan 9,56 marka egin zuen; altueran 1,58 metrokojauzia egin zuen, pisuan 9 m. jaurti zituen; luzera jauzian 4,49 metro egin zituen eta 600 metro lasterketan 1:57:20-ko marka egin zuen.
Marka hauei esker, puntuaketa bikaina egin zuen, 2968 puntu eta kopuru honekin Euskadiko eta Gipuzkoako kadete mailako pentathlon probako errekorrak gainditu zituen. Aurreko errekorra Super Amara BAT taldeko Teresa Zaragüetak egin zuen 2011ean eta 2781 puntukoa zen.
Eta honetaz gain, Valentzian martxoan izango den Espainiako txapelketarako sailkapena eskuratu zuen gazteak.
Eneritzek Espainiako txapelketarako marka gutxienekoa egiteko asmoa zuen, baina ez zuen espero lehiaketa irabazi eta errekorra egitea. “Oso pozik nago,” adierazi digu. Eta hemendik martxora, pisua eta 600 metro lasterketa landu behar dituela aipatu digu.
Jubeniletan
Bestalde, Maider Rekondo gazteak seigarren postuan amaitu zuen jubenil mailako proba.
Maiderrek bere espezialitatean gainditu zituen arerioak, pisuan. Honetan 9,93 metro jaurti baitzituen.
Beste probetan 60 metro hesi-lasterketan, altueran, luzera jauzian eta 800 metroko lasterketan 4 eta 6. postu artean ibili zen.