Baina honetaz gain gure herrian ohitura legez, Euskal Inauteriak konpartsa ere aterako da igandean.
Aurten lehenengoz, Ttakun kultur elkarteak antolatuko du Euskal Inauterien konpartsa.
30 urtean dantza ikuskizuna antolatzen aritu den taldeak iaz Ttakunen esku utzi zuen konpartsa. Felix Telleriak aipatu zuen legez, “Gu ez gara elkarte bat, ez ezer. Hiru gara eta pentsa jada, 70-80 urte dituzte besteek. Ttakunek, gainera, indar gehiago emango dio eta hori pentsatu genuen. Okerrena guk utzi eta amaitzea izango litzateke eta”.
Entseguak
Eta hau gerta ez dadin, Ttakunek entseguak antolatu ditu, bihartik aurrera. Hauek astearteetan izango dira Sasoeta ikastetxeko gimnasioan. Antolatzaileek aipatu digutenez, urtarrilaren 15 eta 22an 20:00etatik 21:30era izango dira eta urtarrilaren 29 eta otsaialren 5ean, 19:30etik 21:30era. “Bi azken saio hauek ordu erdi lehenago hasiko dira haurrei begira”, adierazi dute antolatzaileek.
Era berean, herritar guztiei konpartsan parte hartzeko gonbita egiten diete.