"Ulertzen dugu erabiltzaile arruntek igerilekua erabiltzeko eskubidea ere badutela, noski, baina herrian dauden kirol instalakuntza guztiak kontuan hartuta, erabiltzaile arruntekin konpartitzen dugun bakarrak gara. Kultura kontua da, baina igerilekua guretzat izan behar genukeela uste dut, futbolak Michelingo zelaia entrenamendu orduetan berarentzat duen bezala. Horretaz gain, kale bakoitza igeriketa mota jakin baterako izatea proposatuko dut, igeriketa azkarra, mantsoa, librea..., entrenatzeko oztoporik izan ez dezagun", esan du Apeztegiak.
Gaineratu du askoz ere emaitza hobeak izango lituzketela igerilekua eurentzat bakarrik edukita: "Dudarik gabe bai, eta gainera waterpoloa edota urpekaritza bezalako kirolak landu ahal izango genituzke".