Aste honetan prozesu horren bigarren bilera erronda egin da Villa Mirentxuko Ekitaldi Aretoan udalak jakitera eman duenez: Merkataritza sektorearekin: astelehenean, urtarrilak28. Ostalaritza sektoarekin: asteartean, urtarrilak 29. Zerbitzu pertsonalak sektorearekin: asteazkenean, urtarrilak 30.
Lehen bilera errondan, bertaratutako profesionalen proposamenak jaso ziren, gaur egun sektorean eragina duten faktoreak aldatzera, hobetzera edo berriak sortzera begira. Ondoren, departamentu barruan lanean aritu dira, hauek aztertzen egingarriak eta egin ezin daitezkeenak bereiziz eta ideiak landuz.
Oinarriparrak zehaztu
Bigarren bilera erronda honetan berriz, aurreko bileretan jasotako ekarpenei Udalak prestaturiko erantzunak jakinarazi dizkie parte-hartzaileei. Hauek baloratu eta guztien artean beraientzako garrantzitsuenak direnak lehenetsi ditzaten, modu honetan ekintza orden bat ezarriz.
Azkenik, prozesu guzti honetan bildutako informazioa Udalak txosten batean islatzeko asmoa du, ondoren berriro tokiko ekonomiako sujetu guztiekin banatu eta aurrera begirako helburuak zehazteko.
Udalak azpimarratu duenez "bereziki garrantzitsuak dira bilera hauek, etorkizunean, udalaren sustapen ekonomikorako programek kontuan izango dituztelako bileretan planteatutako proposamen eta erabakiak".
Aurrerantzean foro hauetan parte-hartzeko edo informazioa gehiago jakin nahi izanez gero, d.avila@lasarte-oria.org e-mailera idatzi, edota 943376183 telefonora deitu daiteke eta Dionisio Ávilarengatik galdetu.