Hegaka eta ihesi

Name: Hegaka eta ihesi
Uploaded: 2013-02-17T17:32:25+01:00
Description: Haurrei zuzendutako “Ezetz hegan egin” obra eskaini zuen larunbata arratsaldean Teatro Paraiso taldeak Manuel Lekuona kultur-etxeko areto nagusian. Antzerkiaren ildoa haurrentzat pentsatua bazegoen ere, hurbildu ziren guraso apurrek ere benetako irakaspenak ateratzeko parada eduki zuten, gaur egungo gizarteari nolabaiteko kritika egiten baitzion antzerkiak.

jon-altuna-egitegi 2013ko otsailaren 17a

Haurrei zuzendutako “Ezetz hegan egin” obra eskaini zuen larunbata arratsaldean Teatro Paraiso taldeak Manuel Lekuona kultur-etxeko areto nagusian. Antzerkiaren ildoa haurrentzat pentsatua bazegoen ere, hurbildu ziren guraso apurrek ere benetako irakaspenak ateratzeko parada eduki zuten, gaur egungo gizarteari nolabaiteko kritika egiten baitzion antzerkiak.

Besteak beste, jendarte modernoaren berekoikeria, gizakien jarduerek eragiten dituzten suntsipen naturalak, alde egitearen beharra, laguntasuna eta maitasuna bezalako gaiak jorratu zituen lau aktoreen lanak. Irla Ozeanikoetako “tourons” hegazti espeziea bailiran, aurpegia margotu eta sudur luzeak jarrita antzeztu zuten, atzealde urdin disdiratsu bat lagun zutela, arrapala batez eta eguzkia imitatzen zuen puntu gorri batez lagunduta. Aldaketa klimatiko bortitza medio, txoriek alde egin behar izan zuten leku seguruagoen bila eta abentura horretan izandako bizipenak adi-adi jarraitu zituzten umeek.