Langileen baldintzak
Zaharren egoitzetako langileei estatuko lan erreforma aplikatu nahi diete, eta horrek uztailetik aurrera hileko soldatan 400 euroko jaitsiera ekarriko liekela diote sindikatuek. Gainera, urtean 200 ordu gehiago egin beharko lituzkete lanean. Urrian negoziazio mahai bat sortu zutela adierazi dute langileen ordezkarien eta patronalaren artean egoerari irtenbidea bilatzeko, baina hilabete hauetan ez dira adostasunera iritsi.
Foru Aldundiak 8,2 milioi euroko eskaintza egin duela jakitera eman du datozen bi urteetan, langileen soldatak eta baldintzak bermatzeko. Erakundeak bere nahia gatazkarekin ahalik eta lasterren bukatzea dela azaldu arren, sindikatu eta Adegi-ren jarrerak adostasunetik urrun dira.
Aipatutako akordioa iritsi ezean, datozen asteetan grebarekin jarraitzeko asmoa dutela jakitera eman dute sindikatuek “eta hauekin bat egingo da Atsobakar egoitzan ere”.