Besteak beste amona Josefina, Patatari Jauna, otsoa edota Kintxo Barrilete nikaraguarra oholtzaratu ziren, erritmo biziko emanaldi luzeak eskainiz, ia bi ordu iraun zituztenak.
Pailazoak ez ziren bakarrik aritu ordea, herritarren laguntza izan baitzuten Aitorri ahalik eta animo zakukada handiena bidaltzeko.
Kukukako neska dantzari gazteek pailazoekin batera hainbat kantutan dantzan egin eta emanaldiaren amaiera aldera Jon Maia bertsolariaren letrekin osatutako “Eskuetan” abestiaren koreografia egin zuten, bizitza eta mundu berri bat eskuetan dauzkagula gogorarazteko.
Jalguneko lagunek berriz, euren elkartearen ereserkia abestu zuten Pirritx, Porrotx, Marimotots eta Kukuka dantza eta antzerki eskolarekin batera. Ozen entzun ziren gitarra doinuak eta pausoka pausoka ametsak bete egiten direla erakutsi zieten ikusleei.
Aitorri eskainitako “Maite zaitut” abestiarekin errematatu zituzten emanaldiak.
Aitor laguntzeko bidea
Era berean, bertara hurbildu ezin izan zutenek eta ekonomikoki lagundu nahi duen orok kontu korronte berezi bat du eskura haien ekarpena egin ahal izateko: 2101-0048-21-0128308954.