Agerraldian aurreko astean azaldu moduan, udal talde sozialistak aurkezturiko mozioa bozkatu beharko dute: "Toki Administrazioaren Erreforma Proiektua"ri buruzkoa. Ondoren Bilduk aurkezturiko mozioa: "197/2006 Doktrina: Zigor gehigarriaren ankerkeria"ri buruzkoa azaldu eta bozkatu beharko dute alderdiek.
Azkenik eta galdera eta erreguen txandara iritsi aurretik, Bilduren beste mozio bat izango da eztabaidagai, taldeak "Huyck Wangner (Perot)-eko langileen alde" aurkeztutakoa. Zizurkilgo enpresak EREa aurkeztu zuen 75 langile kaleratzeko, 81 langiletik. Elkarrizketetan izan dira langile zein enpresako zuzendaritzako ordezkariak eta azken egunetan prentsak jaso duenez. ERE-a bertan behera uztea erabaki da eta biltzen jarraitzen dute egoerari irtenbide bat eman nahian.