Bikotea Slalom Gigante probako urrezko dominarekin.
Sorpresa ederra eman zuen Enara eta Iraitzek osatutako bikoteak atzo Slalom Gigante-ko finalean lehen denbora lortu zuenean eta gaur goizean ere ederki ibili dira Slalom-eko finaleko bi jaitsieratan.
Enara eta Iraitz bi garaipen hauekin oso pozik daudela aipatu digu Mari Carmen Enararen amak.
Merituz lortutako garaipenak dira batetik Enarak eta Iraitzek elkarrekin egiten duten lehenengo urtea delako eta bestetik Enara ez delako bere mailan lehiatu. Enararen amak azaldu digunez, nahiz eta Enara infantila izan, jubenil mailan lehiatu da eta 15 eta 18 urte arteko neska gazteak izan ditu arerio.
Enara eta Iraitz Jon Santacana munduko txapelduna eta honen gidarekin.