Landaberri 06 alebinen nesken taldeak galdu egin zuen larunbatean Gipuzkoako txapelketara sailkatzeko lehen norgehiagoka Laskorainen aurka, 31-57ko emaitzaz. Noelia Bermejo prestatzaileak adierazi digunez, partidu hasieran taldea “urduri” zegoen eta pixka bat esnatzea kostatu zitzaien. Lehen bi laurdenak pasata ordea, lasaitu eta euren maila erakusteko aukera izan zuten Landaberriko neskek, baina ez zen nahikoa izan markagailua irauli eta partidua poltsikoratzeko.