Xabier Andonegi Jardunaldien koordinatzaileak esan digunez, herritarren interesari erantzunez antolatu dute aurten doluaren inguruan: “Donostian talde batek lan handia egin du arlo honetan eta esperientzia hori ekarriko dugu Lasarte-Oriara”.
Bidegin proiektua
Heriotzaren gaia jorratzeko gaia ondo ezagutzen duen Izaskun Andonegi erizaina gonbidatu dute Danok Kidekoek. Azken momentuan aringarriak ematen lan egiten duen erizain honek sortu zuen Bidegin elkartea, gaixotasun larriak dituztenei edota senideren bat galdu dutenei doluan laguntzeko.
Astelehenean arratsaldeko 19:30ean, “Bidegin, doluan laguntza. Gipuzkoarrei ekarpenak” gaia jorratuko du Izaskun Andonegik. Hitzaldi hau emateko, bere esperientzia kontatuko duen Ainara Elizetxearen laguntza izango du Bidegineko ordezkariak.
Hurrengo egunean, asteartean, “Bizitzaren azkenean lagun” hitzaldia emango du Izaskun Andonegik.
Asteazkenean Mila Arce haurrean psikiatri erizainak haur eta gaztetxoen kasua jorratuko du: “hiltze prozesuan nola hitz egin eta lagundu haur eta nerabeei” izenburua duen hitzaldia emango du esperientzia handia duen erizain horrek.