Aurten sei talde izango dira Erketzekin batera, Faltzesko Makaia, Urretxuko Lurra D.T., Errenteriako Ereintza D.T., Andoaingo Urki dantza taldea eta Lasarte-Oriako Kukuka antzerki eta dantza eskolako txikiak. Antolatzaileek azaldu moduan “25. urteurrena dela eta, Udalak laguntza berezia eman digu eta beste bi talde ekartzea lortu dugu”.
Goizean, 11:00etatik aurrera, talde desberdinek herriko auzoetatik barrena haien dantzak eskainiko dituzte.
Arratsaldean berriz, kalejira txiki bat eta 17:00etan talde guztien emanaldia izango da Okendo plazan. Eguraldi txarra egingo balu, Michelingo pilotalekuan egingo lirateke ekitaldiak antolatzaileen esanetan.
