Hau gauzatzeko, dimentsio eta tipologia ezberdineko eta diziplina anitzeko programazio zabala eskaintzen du Olatu Talkaren laugarren ekitaldiak, eta Donostiaz haratgo, Lasarte-Oriaraino iritsi ziren ekintzak.
Helburua, hirian eta lurraldean jarduera eta jarrera libre eta sortzaileak bultzatzea izan zen eta testuinguru horretan eman zuen kontzertua Perlak taldeak, herritar gutxi batzuk eta Zarauztik etorritako lagunen aurrean.
Publiko eskasia ez zen ordea aitzakia izan eta laukoteak dena eman zuen eskenatoki gainean, ondo pasatuz eta musika ona eginez gainera.
Gitarra elektrikoa, baxua, bateria eta teklatu elektronikoa nahikoa izan ziren gau hotz samarrari akorde beroak ateratzeko.
Kudai eta Niketz Abend-en
Heavy metala ere izan zuten entzungai herritarrek Abend kafe antzokian Donostiako Kudai eta Etxabarriko Niketz taldeen bitartez.
Euskal Metala eta rocka egin zuten bi taldeek, Kudaik “Harezko Dorrea” bere azken diskoa aurkeztu zuen eta Niketz-ek errepasoa eman zion bere errepertorioari.
Kontzertu beroak izan ziren biak, Abend-eko “Metal Gau” horien arteko beste kontzertu elektriko bat eta Lasarte-Oriak oraindik ere musika mota honekin lotura estua daukala erakutsi zuen berriro.