Garmendiak azaldu moduan "elikagai: ona, garbia eta justua" -ren aldeko mugimendua da. Janariari, produktuari eta honen ekoizpenari eta banaketa prozesuari arreta jartzean datza.
Jose Mari Pachak Euskal Oiloak ekoiztearen inguruan mintzatu da, honek Andoaingo baserrian 125 euskal oilo ditu eta hauek nola hazten dituen azaldu die bertaratutako herritarrei. Euskal oiloaren baitan bost mota edo arraza daudela azaldu du eta guztiak galtzeko arriskuan. Hau dela eta berea bezalako produkzioen beharra defendatu du "eta horretarako kontsumitzaileak ere balioa eman behar dio gure produktuari".
Dastaketa
Mintzaldi interesgarriaren ostean dastatze laborategia hasi dute Rafael Indo Euskal Gastronomia Kofradiako kidea-k prestatutako jakiekin. Arrautza eta barazkiak erabiliz nahaski ezberdinak prestatu ditu guztientzat. Hauen artean, baratxuri nahaskia, porruak eta euskal oilo arrautza gorringoa bi modutara.