Lasarte-Oriako ikastetxeetako gaztetxoek h aien proposamenak eta ideiak helarazi dizkiote Udalari.
Udalbatzarrak gaur bisitari bereziak izan ditu, Lasarte-Oriako ikastetxeko 30 bat gaztetxo. Azken lau urteetan legez, Eskola Agenda 21aren baitan ikastetxean egiten dute lana aurkeztu eta honetatik ateratako konpromezu, proposamen eta ondorioak aurkeztu dituzte.
Pablo Barrio alkatea, Taxio Arrizabalaga Gazteria eta kirolak saileko zinegotzia, Nerea Sanchez Ingurumeneko zinegotzia eta Boris Nogales Hezkuntza eta Euskara zinegotzia izan dira Udalaren izenean haurrei erantzuna emateko.
Aurtengo gaia biodibertsitatea eta aniztasun kulturala izanik, hainbat arlo jorratu dituzte LH3-6 mailako gazteek. Herriko berdeguneak, mugikortasuna eta dibertsitate kulturalari lotutako arazoak azaldu eta ideiak ere aurkeztu dituzte. Hala nola, bidegorri gehiago jartzea, markotak zaintzeko kanpaina martxan jartzea edo jaietan atzerriko kulturen inguruko ekintzak antolatzea.
Alkateak eta zinegotziek eskerrak eman dizkiete ikasleei egindako iradokizunengatik. Azkenik, horrelako proposamenak egiten jarraitzera gonbidatu dituzte gaztetxoak.