Udalak erraztutako argazkia.
Urteetan kooperantea eta Danok kide elkarteko lehendakaria izandakoari eta hain zuzen, berak pertsonifikatzen zuen boluntariotza omentzeko helburuarekin, eskultura hau egin zitzaion ekimen herritar baten bidez. Eskultoreak argizaiola berriro esku artean izan du eta erabat eraberrituta bueltatu du bere lekura udalak ezagutzera eman duenez.
Argizaiola itxura du eskulturak eta Gotzon Huegun egilearen hitzetan “Argizaiolak betidanik izan du joandakoen argiarekin lotura eta beste aldetik, materialari dagokionez kooperazioan parte hartzen duten lagun guztiak adierazi nahi izan nituen azulejozko zati txikiz osatua dago.”
Azken aldian eskulturaren egoera ez zen ona, “urteen poderioz pusketak galtzen joan da” diote udaletik, eskultoreak erabat eraberritu du lana eta Astobakarren dago bere lekuan ikusgai.