Lasarteoriatarrak G2Handiak proba hasi baino lehen. Arg.: J. Iparragirre
Peio Fadrique herritarra izan zen Ehunmilak proban atera zen bakarra. Jakin arazi digutenez, arazo fisikoengatik 81 kilometroan lasterketa utzi behar izan zuen.
G2Handiak proban, aldiz, herritar guztiak iritsi ziren helmugara: Oroitz Arregi, 17:53:22; Jose Ramon Mendizabal, 18:27:44; Juan Mari Marcos, 18:27:48 eta Javier Olazagoitia, 18:31:03.
Euskadiko txapelketa
Bestalde, LOKEko Jon Altuna eta Gaizka Ormazabal uztailaren 13an Durangon, Euskadiko txapelketan lehiatu ziren denboraldiari amaiera emanaz.
Jon Altunak 800 metroetan 4. postua eskuratu zuen. Gaizka Ormazabal berriz finalerdian kaleratua izan zen.
Espainiako txapelketa
Hauetaz gain, beteranoen mailako Espainiako txapelketa izan zen Gasteizen. Bertan Santos Uribe herritarrak 50 km. martxa proban parte hartu zuen.