Erdi Aroko azoka izango dugu asteburuan hirugarren urtez herriko kaleak alaitzen. Ostiral arratsaldean hasiko dira ekintzak inaugurazio kalejira bereziarekin 18:30ean. Hala ere, aurtengo edizioan bada berrikuntza nagusi bat kultura sailetik azpimarratu nahi izan dutena, hain zuzen, Okendon kokatu beharrean Zumaburuko Isla plazan egingo da azoka.
Bizilagun, dendari eta tabernarien eskaera izan da halako festak gainontzeko auzoetara ere eramatearena. Herriko merkatari eta ostalariekin udalak izandako bileretan hainbatetan egindako eskaera. Kasu honetan, begi onez ikusi du udalak eta kultura sailak Erdi Aroko azoka Isla plazara eramatearena eta bertan egingo dira azokaren baitan antolatutako antzerkiak ere. Hala ere gehienak kalejira eta kale ikuskizunak izaki, herriko kaleetan barrena ikusteko aukera izango dira.
Honakoa da azokaren egitaraua:
Ostirala, irailaren 13a
18:30 Inaugurazioko kalejira
19:30 Eskekoak
20:00 Gurutzadetara
20:45 Agoteren eta Damaren amodio ezinezkoak
21:30 Aitaren bulda
Larunbata, irailaren 14a
11:30 “Egun onaren” pregoia
12:00 Zalduna eta ezkutaria
12:30 Bideko musikak eta kantak
13:00 Jentila vs Kristaua
13:30 Komediante erromesak
18:30 Akitaniako Leonor erreginaren segizioa
19:00 Eskekoak
19:30 Okzitaniako trobadoreak eta koblakariak
20:00 Agoteren eta Damaren amodio ezinezkoak
20:30 Bideko musikak eta kantak
21:30 Akelarrea
Igandea, irailaren 15a
11:30 “Egun onaren” pregoia
12:00 Eskekoak
12:30 Bideko musikak eta kantak
13:00 Txotxongiloak: Zeken diruzalea
13:30 Erdi Aroko koblakaritzak
18:30 Elbarrituen erromesaldia
19:00 Jentila vs Kristaua
19:30 Gurutzadetara
20:15 Zalduna eta ezkutaria
21:00 Aita Moisesen bulda