Larunbata, irailak 23

10:00

Mugikortasun Astea: bizikleta martxa

Ibilgailu eta kaskoak partaideek beraiek eraman beharko dituzte.

10:30

Mugikortasun Astea: bigarren eskuko bizikleten azoka

Antolatzaileek jakinarazi dutenez, herritarrek 09:00etatik 10:30era eraman ahalko dituzte salgai jarri nahi dituzten ibilgailuak. Prezioek ezingo dute 500 eurokoak baino garestiagoak izan. Beharrezkoa izango da aurrez hitzordu bat finkatzea, www.merkabi.eus/lasarte-oria webgunean edo 943-67 02 49 telefono zenbakian izena emanda. Parte hartu nahi dutenek 18 urte baino gehiago izan behar dituzte, eta bizikletak azokara eramaterakoan NAN nahiz telefono zenbakiak eman.

11:00

Mugikortasun Astea: jolasak

Okendon eta Kale Nagusian barrena, jolas ugari egingo dituzte: herri kirolak, bizikletan ibili bitartean egitekoak (zinta jokoa, trebetasuna...), eta abar.

17:30

Auto klasikoen rallya

San Sebastian Circuit Spirit VI. Rallya ere Lasarte-Oriatik igaroko da larunbat honetan. Bazkalostean, Andoaindik etorriko dira auto klasikoak, garai batean Oriako zirkuitua zegoen gunea zeharkatu eta Hipodromora joango dira. Geldialdi bat egin eta 17:30etik aurrera herrian barrena ibiliko dira berriz ere Donostia etorbidea, Kale Nagusia eta Zirkuitu ibilbidera joanda. Munduko txoko desberdinetako 148 ibilgailu etorriko direla aurreikusi dute antolatzaileek.

18:00

Erketz EDTren emanaldia

Erketz EDT dantza taldeko kideek aurreko ikasturte amaierako emanaldia aurrera eramango dute. Sarrera doakoa izango da. Eguraldi txarra eginez gero, Manuel Lekuona Kultur Etxeko auditorioan ariko dira.