Ostirala, abenduak 4

19:00

Hil kanpaiak filma

Hil kanpaiak filma eskainiko da Okendu zinema taldearen Zine-forumaren eskutik. Sarrera, 5,50 euro. Imanol Rayo zuzendari iruindarraren bigarren lan luzea da Hil kanpaiak filma. Miren Gorrotxategiren 33 ezkil eleberrian oinarrituta dago. 68. Donostiako Zinemaldian Zuzendari Berriak sailean lehiatu zen. Bere lehen lanarekin, Bi Anai, Bernardo Atxagaren izen bereko eleberrian oinarritutako filmarekin Zinemira saria jaso zuen. Garizmendi baserrian giza hezur batzuk agertu dira. Etxekoek, Fermin eta Karmen senar-emazteek, Nestor semeari deituko diote. Nestor arduratuko da gaiaz. Hurrengo egunean, ordea, ez du hezurrik aurkituko. Aita ere desagertuko da. Ertzaintzari deitu eta horiek agertzean, hil-kanpaiak joka hasiko dira auzoko baselizan. Adur txarreko seinale horrek, gertaera latzak ekarri ez ezik, familiaren eta ingurukoen garai bateko zauriak irekiko ditu.  Filma jatorriz euskaraz grabatua dago eta, lagungarri gisa, gaztelerazko azpidatziak izango ditu.