Lore sortak, landareak, zuhaixkak... berdez eta kolorez bete dute zabalgunea, 10:00etatik 14:30era bitartean iraun duen ekimenean. Askotariko eskaintza zuten aukeran, tartean, eguzkilorea; postuetako batean haren hazia, lorea edo landarea eros zitekeen. Horrez gain, ukenduak, sendabelarrak, kosmetika edota bitxiak ere baziren. Hortaz, non aukeratu izan dute herritarrek eta horretara animatu direnak ez dira gutxi izan.
Ohi bezala, txikienentzat zenbait joko ere jarri dituzte plaza erdian, beren kasa ibil zitezen. Gainera, nahi izan dutenek, poto batean letxuga edo tipula landatu eta etxera eraman dute.