Azken orduko izen-emateak egiteko aukera dago egunean bertan, proba hasi aurretik, 8:30etik 9:15era eta 15 eta 17 euroko prezioa izango du inskripzioak.
Goizeko 9:30ean ekingo dio lokatzez zipriztindu aurreko tropel koloretsuak 2015eko edizioari. Antolakuntzak jakinarazi du anoa postuetan elikagai solido eta likidoak izango dituztela txirrindulariek ibilbidean zehar: pastelak, frutak, esnekiak eta edari isotonikoak izango dituzte aukeran parte-hartzaileek. Iazko arrakasta ikusita, aurten helmugan hamaiketako bikaina egiteko aukera ere izango dute ziklistek: txistorra pintxoak, salda, haragi egosia, albondigak... Eta nola ez, garagardoa gorputza hidratatzeko. Sari banaketa proba amaitzean egingo da.