Leire Martin, Euskal Herriko txapelduna
Lasarte-Oriako Maialen Chourraut igerilekuan jokatu dute Euskal Herriko luzera handiko txapelketa. Eneko Elizasu txapeldunorde izan da, eta Nora Imaz hirugarren. Nerea Santosek eta Aintzane Sarobek ere emaitzak ona eskuratu dituzte lehiaketan

Euskal Herriko distantzia luzeko txapelketak hartu zuen larunbatean Maialen Chourraut kiroldegiko igerilekua. Bost lasarteoriatar lehiatu dira bertan, eta emaitza onak lortu dituzte. Gizonezkoek ekin zioten norgehiagokari. Eneko Elizasu izan zen Buruntzaldea IKT-ko lehen igerialaria. Hasieran neurria hartzea kosta egin bazitzaion ere, proba "bikain" kudeatu zuela jakianarazi du Borja Apeztegia igeriketa taldeko arduradunak. 24 minutu eta 26 segundu behar izan zituen 2.000 metroko saioa amaitzeko. Marka pertsonal berria ondu du, eta txapeldunorde geratu da lasarteoriatar gazteak.

Emakumeen txanda izan zen gero. Nora Imaz, Nerea Santos eta Aintzane Sarobe igerilariak "gogotsu" aritu ziren eta marka pertsonal berriak lortu dituzte hauek ere. Imaz hirugarren sailkatu zen. 
Aintzane Sarobek 26 minutu eta segundu bat behar izan ditu 2.000 metroko proba amaitzeko, baina 1.500 metrora iristean, marka pertsonala ere lortu du (19:21,39). Nerea Santosek, berriz, distantzia eta erritmo "altuagoan" egin du proba. 25minutu eta 35 segunduko denboran amaitu du saioa, eta Aintzanek bezala, 1.500 metrotan marka hobetu du (19:06,38).

Guztietan azkarrena Nora Imaz izan zen; 25 minutu eta 28 segundu behar izan ditu proba osatzeko, eta 2.000 metrokoan zein 1.500 metrokoan marka pertsonala lortzeaz gain, 14 urteko errekor berriak ezarri ditu.

3000 metrotan 

Leire Martinek parte hartu du 3.000 metroko proban eta 36 minutu eta 23 segundu behar izan ditu saioa amaitzeko. Denbora horrekin, 16 urteko errekor berria ezarri du, eta baita 2000 metroko pasean (24:08,17); 1500ekoan (18:04,67); 800ekoan (9:34,10) eta 400 metrokoan ere (4:44,44). Junior mailan "erabat nagusi" izan da eta absolutu mailako sailkapen orokorrean bigarren emakume azkarrena izan da.

Bestalde, Nahia Zudairek Gazteen mailako Igeriketa Egokituko Espainiako AXA Txapelketan parte hartuko du, Valdemoron, bihar eta etzi,  Euskadiko Selekzioarekin. 

ARGAZKIAK
blog comments powered by Disqus
ZORION AGURRAK
UXUE
Zorionak, maitea, zure 10.urtebetetzean. Muxu handi bat aitatxo eta amatxoren partetik.
AZKEN PDFa
1452 ( Otsailak 15 )
GUARDIAKO FARMAZIAK
Gandarias-Uribe ( Igandea)
Iñigo de Loyola 9
Tel: 943 019521
ASTEA
    • Acha-Orbea ( Astelehena )
      Hipodromo etorbidea 6
      943 363549
    • Urbistondo ( Asteartea )
      San Frantzisko 1
      943 366567
    • Gandarias-Uribe ( Asteazkena )
      Iñigo de Loyola 9
      943 019521
    • Orue ( Osteguna )
      Jaizkibel plaza 2
      943 362652
    • De Miguel ( Ostirala )
      Kale Nagusia 32
      943 371151
    • Orue ( Larunbata )
      Jaizkibel plaza 2
      943 362652
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48