Leire eta Ainhoa Martin Espainiako txapelketan lehian
Mireia Belmonte, Jessica Vall, Melani Costa edo Africa Zamorano bezalako olinpiar igerilariak aurrez aurre dituzte Buruntzaldea IKTko Leire eta Ainhoa Martinek igerileku laburreko Espainiako Neguko txapelketan

Bartzelonan jokatzen den igerileku laburreko absolutu mailako Espainiako Txapelketa ostegunean hasi eta igandean amaituko da. Buruntzaldea IKTko Leire eta Ainhoa Martin ahizpak hainbat probatan daude lehian. Biek ere, infantilak izan arren, absolutu mailako gutxienekoak dituzte eta gogotsu daude test modua balioko dien lehiaketa honetan pate hartzeko.

Borja Apeztegia entrenatzaileak azaldu duenez: "Egia esan, beraiek egutegian goiz harrapatzen dituen txapelketa honetan ez daukagu aparteko ezer lortzeko aukerarik. Lehiaketa honek denboraldi haseratik honako bidean egindako lanaren nondik norakoa baloratzeko balio izango du eta beraientzat garrantzitsuena izango den Infantil mailako Neguko Txapelketarako prestakuntzaren bidean nola goazen ikusteko ere bai."

Lehia bizian

Gaur goizean, Leirek 400 estiloak proban parte hartu du. Nahiz eta finalerako sailkapena ez lortu, bere sailkapen probako bigarren izan da eta bere marka hobetu du, 5:01.09.

Ordu bete beranduago, 200 bular proban lehiatu dira bi ahizpak. Sailkapen proba ezberdinetan izan dira. Ainhoak egin du 2:37.51 bere marka 3 segundutan hobetuz; Leirek 2:45.80 denbora egin du.

Baina ez dira hauek lehiaketa bakarrak izango. Bihar larunbata Leirek 100 m. bizkar probako sailkapena jokatuko du, Ainhoak berriz, 100 m. bular proba. Azkenik, igandean Leire 200 m. bizkar proban lehiatuko da. 

ARGAZKIAK
blog comments powered by Disqus
Lasarte-Oria
Gaur ez dago ekitaldirik Lasarte-Orian.
ZORION AGURRAK
MAITANE
Zure haurtzaroa zurekin eramaten baduzu ez zara inoiz zahartuko. ZORIONAK!!!
AZKEN PDFa
1402 ( Abenduak 1 )
GUARDIAKO FARMAZIAK
Acha-Orbea ( Asteazkena)
Hipodromo etorbidea 6
Tel: 943 363549
ASTEA
    • Urbistondo ( Osteguna )
      San Frantzisko 1
      943 366567
    • Gandarias-Uribe ( Ostirala )
      IƱigo de Loyola 9
      943 019521
    • De Miguel ( Larunbata )
      Kale Nagusia 32
      943 371151
    • De Miguel ( Igandea )
      Kale Nagusia 32
      943 371151
    • Orue ( Astelehena )
      Jaizkibel plaza 2
      943 362652
    • De Miguel ( Asteartea )
      Kale Nagusia 32
      943 371151
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48