Lauko finala eta bigarren mailara igotzea helburu
Fase erregular bikaina egin ostean, igotzeko gertu daude saskibaloiko Ostadar SKT-ren hirugarren mailako gizonezko seniorrak. Final zortzirenetako lehenengo norgehiagoka irabazi dute, eta lauko finalerako txartela herrian ziurtatu beharko dute

Hiru urteko ibilbidea egin du Ostadar SKT-ren gizonezko seniorren taldeak. Orain arteko denboraldirik onena ari dira egiten aurtengoan. Gipuzkoako 3. Mailako beraien taldean hirugarren sailkatu dira, liderraren puntu kopuru berdinarekin, eta igoera lortu ahal izateko kanporaketetan erabat murgilduta daude orain.

Final zortzirenetako joaneko partidua irabazi zuten pasa den igandean Lezon, Kurkubi SBK-ren kontra. 46-53 nagusitu ziren urdinbeltzak, eta zazpi puntuko aldea dute Maialen Chourraut kiroldegian jokatu duten bueltako norgehiagokari begira.

Lauko Finala gertu

Norgehiagoka irabaziz gero edo zazpi puntu baino gutxiagoz galduz gero, Lauko Finalerako txartela lortuko lukete.

Ataleko arduradun eta taldeko jokalari Endika Marrahik azaldu duenez, hiru taldek eskuratuko dute bigarren mailarako igoera. Fase erregularreko bi talde txapeldunak euren arteko kanporaketa ari dira jokatzen, eta horien artean bat igoko da zuzenean.

Lauko Finaleko txapeldunak ere bigarren mailan jokatuko du datorren urtean. Azkeneko txartela Lauko Finaleko txapeldunordearen eta taldeko liderren arteko kanporaketaren galtzailearen artean lehiatuko dute.

Hala, Lauko Finalera sailkatuko balira, eta lehenengo partidua irabaziko balute, bi aukera edukiko lituzkete Jose Luis Alonsoren mutilek. Kanporaketa hori talde sailkatuen artean 'errekor' onenak duenaren etxean jokatuko da. Marrahik dioenez, "Lasarte-Orian jokatzeko aukera bada, baina litekeena beste herri batean jokatzea da".

Jokalari eta arduradunak "ondo" ikusten du taldea. Hala ere, ohartarazi du igoeraren lehian dauden guztiak "maila antzekoa" duten taldeak direla. 

"Zailtasunak" izango dituzten arren, nabarmendu du "beste guztiek bezala" aukerak izango dituztela datorren urtean bigarren mailan aritzeko.

 

 

 

 

ARGAZKIAK
blog comments powered by Disqus
Lasarte-Oria
Gaur ez dago ekitaldirik Lasarte-Orian.
AZKEN PDFa
1390 ( Uztailak 28 )
GUARDIAKO FARMAZIAK
Lasa ( Ostirala)
Kale Nagusia 42 atzea
Tel: 943 361774
ASTEA
    • Gandarias-Uribe ( Larunbata )
      Iñigo de Loyola 9
      943 019521
    • Gandarias-Uribe ( Igandea )
      Iñigo de Loyola 9
      943 019521
    • Gandarias-Uribe ( Astelehena )
      Iñigo de Loyola 9
      943 019521
    • Orue ( Asteartea )
      Jaizkibel plaza 2
      943 362652
    • De Miguel ( Asteazkena )
      Kale Nagusia 32
      943 371151
    • Lasa ( Osteguna )
      Kale Nagusia 42 atzea
      943 361774
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48