Kontxako azken txandan lehiatuko da Fernandez
Lehenengo jardunaldi txukuna egin ondoren, Kontxako Banderan arituko da igandean Donostiarra trainerua. Hibaikaren eta San Juanen artean jokatuko dute garaipena

Arraun denboraldiko proba garrantzitsuena da Kontxako Bandera. Joan den igandean jokatu zuten lehen jardunaldia, eta igande honetan erabakiko da lehiaketa. Hibaikak eman zuen lehen kolpea, jardunaldia irabazita. San Juan izango du aukari nagusia igande honetan, 2,66 segunduko aldea besterik ez baitzion atera. Intza Fernandez lasarteoriatarra Donostiarra traineruan arituko da. Joan den igandean zazpigarren geratu ziren, Hibaikak baino minutu erdi gehiago eginda. 

"Sentsazio onekin" bukatu zuen estropada Donostiarrak, Fernandezek Txintxarri-ri azaldu dionez. "Espero baino hobeto egin genuen". Lehenengo ziaboga arte fin eutsi zioten erritmoari, eta azkeneko luzean egin zuten behera. Dena dela, Fernandezek nabarmendu du emaitza ona dela. 

"Sentsazio on" horiek hauspotuta ekingo dio lasarteoriarraren traineruak bigarren jardunaldiari. Helburua argi dute: "Jardunaldia irabaztea gustatuko litzaiguke, edo, gutxienez, Deustu aurreratzea". Lau segundura besterik ez dituzte bilbotarrak. "Ahal ditugun postuak aurreratzea da helburua".

Itsaso zakarra aurreikusi dute iganderako, eta Donostiarraren alde jokatu dezake horrek. Bi eta hiru metro arteko olatuak espero dira.  "Azken asteetan itsaso txarrarekin egon gara entrenatzen, eta nahiko entrenamendu onak izan dira. Agian gure alde izango da itsaso zakarra, olatuak aprobetxatzeko aukera dugulako".  

Zorte apur bat ere beharrezkoa izango du; igandean bertan zozketatuko dituzte traineruak arituko diren kaleak. Fernandezek esperantza badu bigarrena egokitzeko, joan den asteburuan bezala. "Guri gehien komeni zaiguna da". 

Urdaibaien marka historikoa 

Gizonen estropadan, Urdaibaiek eskuratu zuen garaipena lehen jardunaldian, marka historikoa onduta, gainera: 18:53.52. Halere, ez du garaipena ziurtatuta, Hondarribiak lau segundu gehiago besterik ez zituelako behar izan estropada osatzeko. Oriok zailagoa izango du, hirugarren  sailkatu baitzen, bederatzi segundora. 

ARGAZKIAK
blog comments powered by Disqus
ZORION AGURRAK
NAHIA ETA MIREN
Bikote... Zorionak eta 6 muxu potolo gurasoen partetik!! Ondo pasa eguna txapeldunak!
AZKEN PDFa
1393 ( Irailak 22 )
GUARDIAKO FARMAZIAK
Gil ( Larunbata)
Kale Nagusia 24
Tel: 943 361529
ASTEA
    • Gil ( Igandea )
      Kale Nagusia 24
      943 361529
    • Orue ( Astelehena )
      Jaizkibel plaza 2
      943 362652
    • Acha-Orbea ( Asteartea )
      Hipodromo etorbidea 6
      943 363549
    • Urbistondo ( Asteazkena )
      San Frantzisko 1
      943 366567
    • Gandarias-Uribe ( Osteguna )
      IƱigo de Loyola 9
      943 019521
    • Urbistondo ( Ostirala )
      San Frantzisko 1
      943 366567
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48