Hiru Handiak lasterketarako prest da Javi Olazagoitia
Ehun kilometroko mendi proba osatuko du korrikalari lasarteoriatarrak asteburuan: "Ongi prestatu naiz"

Urteko helburua zapuztu zitzaion uztailean, Ehunmilak lasterketa ekaitzagatik bertan behera geratzean. Baina azkar batean jarri zuen hurrengo erronka: Hiru Handiak lasterketa egingo du Javi Olazagoitiak. Ostiraletik larunbaterako gauerdian aterako da Murgiatik, Gorbeia, Anboto eta Aizkorri igotzeko. Ehun kilometroko lasterketa da.

Uztailean lortutako sasoi puntuari eutsi dio Olazagoitiak, eta "etxeko lanak eginda" aurkeztuko da gaur irteerara. "Asko eta ongi entrenatu dut denbora honetan. Orain bakarrik eguraldiak errespeta gaitzala behar dugu". Hain justu, oraindik gogoan du Ehunmilak lasterketan gertatutakoa. Helburua ere finkatu du: "Orain bi urte 15 ordu 35 minututan egin nuen. Ea denbora hori hobetzen dudan". 

Bestalde, nabaria da errepideko lasterketa garrantzitsuak gerturatzen ari direla. Izan ere, Lasarte-Oria Bai! Krosaren atarian, hainbat lasterketa egin dituzte azken boladan. Joan den igandean 40 herritarrek parte hartu zuten Hiru Hondartzetako Krosean. Raul Gomezek hamar kilometroak 33 minutu baino gutxiagoan egin zituen, seigarren helmugaratuta. Igande honetan Donostiako 15 kilometroko lasterketan izango da, eta faboritoen artean dago.

Bizkaia aldean ere izan dira beste batzuk. Esaterako, Xabi Carcedok Zornotza-Bilbo lasterketa egin zuen urriaren 7an.  22 kilometro gorabeheratsuak 1:27 denboran egin zituen, eta hamahirugarren postuan helmugaratu zen. 

ARGAZKIAK
blog comments powered by Disqus
ZORION AGURRAK
ELENE
Zorionak etxeko txikiari, 16 urte handi horiengatik.
AZKEN PDFa
1441 ( Azaroak 16 )
GUARDIAKO FARMAZIAK
Orue ( Larunbata)
Jaizkibel plaza 2
Tel: 943 362652
ASTEA
    • Orue ( Igandea )
      Jaizkibel plaza 2
      943 362652
    • Lasa ( Astelehena )
      Kale Nagusia 42 atzea
      943 361774
    • Gil ( Asteartea )
      Kale Nagusia 24
      943 361529
    • Acha-Orbea ( Asteazkena )
      Hipodromo etorbidea 6
      943 363549
    • Urbistondo ( Osteguna )
      San Frantzisko 1
      943 366567
    • Gandarias-Uribe ( Ostirala )
      IƱigo de Loyola 9
      943 019521
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48