151 korrikalarik igaro dute Egiako Kristina Enea parkeko Sudur Kroseko helmuga. Lehena Raul Gomez Margallo herritarra izan da.
Lasarteoriatarrak 20 minutu eta 54 segungo behar izan ditu ibilbideko 6 kilometroak betetzeko. Bigarren Aritz Garin, eta hirugarren Jon Otermin izan dira.
Mendi lasterketetan, berriz, Iraitz Iparragirrek eta Lasarte-Oria Traileko Iñaki Letamendiak Aloñako igoeran parte hartu dute, Oñatin. 22,5 kilometrotako igoera honek 1.868ko desnibel positiboa du. Iparragirrek 2:37:39 denbora eginez igaro du helmuga, eta Letamendiak, aldiz, bere aurreko marka 13 minututan ondu du (3:12:56).
Bihar, apirilaren 28an, berriz, proba gogorra gainditu nahi dute sei herritarrek: Nafarroa Xtrem. Zubiriko irteera puntuan Lasarte-Oria Traileko Anabel Eleno eta Javi Olazagutia, Los Arcos anaiak, Trinko taldeko Iurgi eta Hernaniko Axeriak Mendi taldean dabilen Beñat, eta Jesus Osua eta Jon Lasarte izango dira.