Buruntzazpiko gazteak, bikain Kluben kopan
Hirugarren postuan amaitu du junior taldeak txapelketa, nahiz eta azken jardunadia punturik gabe hasi. Era berean, Jaime Romerok Bio Racer Challengeko garaikurra jaso du junior mailan; kadeteetan, berriz, Haimar Etxeberria hirugarren izan da

Buruntzazpi txirrindularitza eskolako kideek Kluben kopako azken jardunaldia lehiatu zuten igandean, pistako denboraldiari amaiera eman baino lehen. Antonio Elorza belodromoan jokatutako saio horretan podiumeko hirugarren koskan bukatu du taldeak, bigarrenetik oso gertu.

Buruntzazpi eskolak junior mailan lehiatu du aurten, eta taldea osatzeko kadete mailako gazteen laguntza izan dute, Eugenio Pozok Buruntzazpiko entrenatzaileak azaldu duenez. 
Kopako lehen jardunaldian Buruntzazpi eskolako kideek ezin izan zuten parte hartu. Beraz, bigarren honetan punturik gabe hasi dira gazteak. 

Banakako lau proba egin dituzte: handicap, tempo, kanporaketa eta keirin. Taldeka, berriz, bi: abiadura eta jarraipena. Bi proba horietan, Buruntzazpi lehen postuan izan da. 

Lasterketetan metatutako puntuei esker, 50 batu dituzte, eta hirugarren talde onenaren garaikurra jaso dute. Bigarren postuan Bizkaia taldea izan da, Buruntzazpitik puntu batera. Garailea Donostia Berri A taldea izan da, 58 punturekin.

Kluben koparekin batera, Gipuzkoako Bio Racer Challengeko sariak ere banatu dituzte.

Romero, Challengen garaile

Bederatzi jardunaldi osatu dituzte aurtengo Challengean, eta Buruntzazpiko Jaime Romero juniorrak lehen egunetik eutsi dio sailkapeneko lehen postuari. Maila berean, Asier Pozo laugarren izan da. Kadete mailan, berriz, Haimar Etxeberriak hirugarren postuko garaikurra jaso du. 

Asteburu honetan, Haimar Etxeberria, Beñat Carbayeda, Jaime Romero eta Asier Pozo Galapagarren, Madrilen, izango dira, Euskadiko selekzioarekin lehian. Pistako estatuko kopako bigarren saioa da.

ARGAZKIAK
blog comments powered by Disqus
ZORION AGURRAK
AIARA
Gure etxeko printzesari zazpi muxu potolo. Zorionak Aiara.
AZKEN PDFa
1452 ( Otsailak 15 )
GUARDIAKO FARMAZIAK
Gandarias-Uribe ( Igandea)
Iñigo de Loyola 9
Tel: 943 019521
ASTEA
    • Acha-Orbea ( Astelehena )
      Hipodromo etorbidea 6
      943 363549
    • Urbistondo ( Asteartea )
      San Frantzisko 1
      943 366567
    • Gandarias-Uribe ( Asteazkena )
      Iñigo de Loyola 9
      943 019521
    • Orue ( Osteguna )
      Jaizkibel plaza 2
      943 362652
    • De Miguel ( Ostirala )
      Kale Nagusia 32
      943 371151
    • Orue ( Larunbata )
      Jaizkibel plaza 2
      943 362652
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48