Realeko harrobian hainbat urtez aritu ostean, Irungo Real Unionera joan zen 2007. urtean. Denboraldi bat pasa zuen bertan eta Bilbao Athletic taldeak fitxatu zuen 2008-2009 denboraldira begira. Bi urtez aritu zen Bilbon, eta Burgosera joan zen ondoren, Mirandes taldera. Ordura arte 2.B mailan jokatu zuen gehienbat. 2011-2012 denboraldian debutatu zuen 2. mailan, Huelvako Recreativorekin fitxatu ostean. Hurrengo urtean are jauzi nabarmenagoa eman zuen, Txapeldunen Ligan aritu baitzen Zipreko Apoel FC taldearekin. Tailandiako Muanthong United-en eman zituen hilabete batzuk talderik gabe geratu eta Errumaniako Rapid Bucarest-era joan aurretik.
Bigarren mailan ariko da berriro ere Borda datorren urtean. Kolore zuri-urdinak jantziko ditu berriro ere Alavesen, Realeko harrobian eta Huelvako Recreativon egin bezala.