Aizpea Arroyo seniorrak bikain ekin dio konpetizio aldiari, bigarren postua lortuta, pilotekin, Senior A kategorian. Garazi Gomez eta Ainara Apezteguia taldekideak ere modalitate eta kategoria berean aritu ziren; 7. eta 11. izan ziren. Guztira 20 gimnastak hartu zuten parte.
Senior B kategorian, bestalde, Alazne Gonzalez gimnastak ordezkatu zuen LOKE. Pilotekin aritu zen baita ere; hamalauk hartu zuten parte guztira, eta herritarra bosgarren izan zen.
Taldekakoan, azkenik, kadeteek eta seniorrek hartu zuten parte. Kadeteek 13. postua lortu zuten; seniorrek berriz, 7.a.