Onartu behar dut ez naizela oso memoria onekoa. Despistatu samarra naiz, eta arrainaren memoria dudala esan izan didate. Eta ez zaie arrazoirik falta. Epe laburreko memoriari dagokionez, argia piztuta uztea, etxera ogirik gabe iristea eta kalera zerbait ahaztuta irtetea klasikoak dira niretzat. Beraz, konfiantza gehiago dut nire epe luzeko memorian.

Esate baterako, gogoan dut nola garai honetan, Santa Ageda bezperarekin, Zubietan ibiltzen ginen ikastolako umeak baserriz baserri koplak kantatzen. Abarken sokak lurrean arrastaka ibiltzen genituen, eta, makilak lurra kolpatzeko ez ezik, kaska-kaska jolasteko ere erabiltzen genituen. 

A ze garaiak! Noizbehinka duela 10 urte, 20 edo gehiagoko herria oroitu nahian ibiltzen naiz. Egia esan, pixka bat kostatzen zait imajinatzea EuskoTrenen geltokiaren parean Dorre etxea zegoela, edo BM eta Tximistarreta inguruan hilerria zegoela (sanpedroetan, goitibeherak), edo Andre Joakina Enearen azpian gaztetxea. Gustatuko litzaidake denboran atzera egin eta 80-90eko hamarkadako Lasarte-Oriatik paseotxo bat ematea. 

Baina ez da nire kontua bakarrik: badirudi gure epe luzeko oroimena ez dela uste bezain fidela. Neurologian adituen arabera, oroitzapen bat berreskuratzen dugun bakoitzean, berreraiki egiten dugu informazio berria txertatuz. Pentsa, beraz, urteak aurrera doazela, errealitatea noraino desitxuratu daitekeen. Alabaina, ahanzturan ez galtzeko memoria entrenatu daitekeela diote. Eskerrak oraindik oroimen ona dutenak badiren, gure zaharrak, adibidez; haiekin freskatu beharko dugu memoria.

 

blog comments powered by Disqus
ZORION AGURRAK
UXUE
Zorionak, maitea, zure 10.urtebetetzean. Muxu handi bat aitatxo eta amatxoren partetik.
AZKEN PDFa
1452 ( Otsailak 15 )
GUARDIAKO FARMAZIAK
Gandarias-Uribe ( Igandea)
Iñigo de Loyola 9
Tel: 943 019521
ASTEA
    • Acha-Orbea ( Astelehena )
      Hipodromo etorbidea 6
      943 363549
    • Urbistondo ( Asteartea )
      San Frantzisko 1
      943 366567
    • Gandarias-Uribe ( Asteazkena )
      Iñigo de Loyola 9
      943 019521
    • Orue ( Osteguna )
      Jaizkibel plaza 2
      943 362652
    • De Miguel ( Ostirala )
      Kale Nagusia 32
      943 371151
    • Orue ( Larunbata )
      Jaizkibel plaza 2
      943 362652
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48