Katalunia eta Euskal Herria. Euskal Herria eta Katalunia. Betidanik lotura izan duten bi herrialde. Naziotasunerako urratsetan, euren hizkuntza bultzatzeko egitasmoetan,  hainbat ekimen kulturaletan eta bereziki herri izaera beretsuan. Azkenaldian ordea, Kataluniak bere naziotasunerako bidean, urrats garrantzitsuak emateko erabakia hartu du. Gurean, hainbat urrats ematen ari garen arren, erakunde eta politikarien inplikazioa ez da nahikoa momentuz. Gainera, euskaldun ekintzaile, sustatzaile eta sortzaileak urritzen hasi diren honetan, belaunaldi berrien bultzada ideologiko desberdin batek soilik, apurtuko ditu gure herrian errotuta dirauten elkarren arteko amorru, liskar eta iraganeko arazoak.
Kontua da, azkenaldiko gertaerek, kataluniar ibilbidea gertutik jarraitzera eraman gaituztela. Uste dugu Kataluniaren pare jar gaitezkeela hainbat gaietan eta zoritxarrez batzuetan eta zorionez besteetan, bi prozesu, bi ibilbide eta bereziki bi herri desberdin garela alboratzen dugu.
Hizkuntzari dagokionean adibidez, oso urrun gaude Katalunian katalanak duen erabilera, ulermen eta bereziki onarpen mailarekin alderatuta eta hizkuntza politikan, gure bidea egin beharko dugulakoan nago, pixkanaka gure izaeraren oinarri den euskara indartu nahi badugu. Horretarako bidea, erabilera eta irakaskuntzak izan beharko dutelarik.
Bestetik esan, ispilu moduan ari garela begiratzen prozesu kataluniarra eta errezeloa dut ez ari ote garen euren bide orria kopiatu nahian, ispiluan begiratu eta isla hori gustuko dugunez, atzetik joan nahian. Bi jendarte, bi parlamentu eta bi herrialde desberdinetaz ari gara eta uste baino desberdinagoak gainera. Bi ibilbide desberdin egin beharko genituzkeela uste dut. Hemen bizi izan duguna eta han bizi izan dutena ez baita berdina izan.  Horregatik,  bakarrik egin beharreko bidean laguntza modura  eurei so egitea bai, baina erabat euren islada izatea, itsutzea litzatekeela deritzot.
Horregatik, guztion inplikazioa beharrezkoa dela uste dut, guk gure bidea eraiki nahi badugu. Politikariek busti egin beharko dute erakundeek sortutako eta eraikitako itsasontziak bidea egitea bada nahia. Gizarteak ilusioa, lana eta eguneroko izaeraz mugituko diren olatuak sortu beharko ditu, denon artean itsasontzia desiratutako portura iritsi dadin. 
Ez gaitezen ba itsaso nahasian gal, har dezagun porturako bidea eta agian egunen batean Mediterraneo eta Kantauri itsasoek bat egingo dute askatasun orro batean. Hori bai, itsasontzi banatan egin beharko ditugu bideak; Mediterraneoa ez baita inoiz Kantauri itsasoa izan eta olatuek beti gogorrago jotzen baitute gure kostalde zoragarri honetan. Boga boga Euskal Herria.

blog comments powered by Disqus
OHARRAK
  • Haurrei lehen sorospenak egiteko ikastaroa
    Gurutze Gorriak umetxo eta haurrei oinarrizko lehen sorospen ikastaro egiteko ikastaroa antolatu du otsailaren 2 eta 3an. Saioak 9:00etatik 14:00etara izango dira Lasarte-Oriako Gurutze Gorriko ikasgelan. 10 orduko ikastaroa da eta helduak zein haurrak edozein egoeratan sorosten irakatsiko da. Prezioa 45 eurokoa da eta plazak mugatuak dira. Izena emateko edo ikastaroari buruz informazio gehiago jasotzeko bidali mezua lasarte@cruzroja.es helbidera edo deitu 607 573 335 telefono zenbakira.
  • II. Bidaien diaporama lehiaketa
    Urnietako Gazte Informazio puntuak II. Bidaien diaporama lehiaketa jarri du abian. Lehen sarituak 300 euro eskuratuko ditu. Buruntzaldeako udaletako gazteek parte hartu dezakete, betiere, 2003 urtea baino lehenago jaiotakoak badira. Diaporamak 2011 urte ondorengo bidai bati buruzkoa izan behar du. Ikus-entzunezko materialarekin osatuko da eta 30-45 minutuko ahozko aurkezpena izango du. Aurkezpenak banaka edo taldean egingo dira. Taldeko gehienez 4 parte hartzaile izango dira. Izena emateko eta lanak aurkezteko epea urtarrilaren 25ean amaituko da. Izena ematea Lekaio kultur etxean, zein Gazte Informazio Puntuan edo Urnietako udalaren webgunean egin daiteke.
  • Meka Leku - Memoria liburua
    Aurten, 2019an, Meka Leku akademiak 25 urte betetzen ditu ateak lehen aldiz zabaldu zituenetik. Ospatzeko, hainbat ekitaldiren artean, 'Memoria' liburu bat sortu nahi du, Meka Lekuko ikasle ohien esperientziak, bitxikeriak edo pasadizoak biltzen dituena. Horretarako, honako posta elektronikoa ireki du: nimekalekun@gmail.com. Anima zaitez, eta kontatu nahi duzuna; zure oroitzapenak, bitxikeriaren bat... ahaztu ez duzun zerbait, ikasitakoa.
  • Biyak Bat elkartea Parisera
    Biyak Bat elkartea bidaia antolatu du Parisera, maiatzaren 28tik ekainaren 4ra arte. Elkarteko bazkideek 800 euro ordaindu beharko dituzte eta bazkide ez direnek, 875 euro. Plazaren erreserba egitea 200 euro balio du. Izena ematea abenduaren 26an irekiko da. Elkarteko bulegoan izena eman behar da, 10:00etatik 12:30era.
Lasarte-Oria
Gaur ez dago ekitaldirik Lasarte-Orian.
ZORION AGURRAK
ARATZ
Zorionak txapeldun!! Primeran pasa zure egunean. 9 muxu haundi ama, aita eta Aiurren partetik.
AZKEN PDFa
1448 ( Urtarrilak 18 )
GUARDIAKO FARMAZIAK
Urbistondo ( Astelehena)
San Frantzisko 1
Tel: 943 366567
ASTEA
    • Gandarias-Uribe ( Asteartea )
      IƱigo de Loyola 9
      943 019521
    • Orue ( Asteazkena )
      Jaizkibel plaza 2
      943 362652
    • De Miguel ( Osteguna )
      Kale Nagusia 32
      943 371151
    • Lasa ( Ostirala )
      Kale Nagusia 42 atzea
      943 361774
    • Gil ( Larunbata )
      Kale Nagusia 24
      943 361529
    • Gil ( Igandea )
      Kale Nagusia 24
      943 361529
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48