ETAren armagabetzeaz idatzi nuen orain urtebete zutabe honetan. Orduan esan nuen gaiaren inguruko ezadostasunak ikusita, arma horiek guztiak entregatzeko oztoporik nagusiena Estatuko polizia eta ETAren jarrera zirela. Bakoitzak bere jokora egokitu zitekeen bukaera nahi zuelako.

Erakunde armadunak bere gustura egin nahi zuen desarmea, bere jokabidearen goiari eutsiz, eta talde garaiezina bailitzan azalduz. Badirudi, ordea, armak uzterakoan indarreko legera egokitu beharko duela. Normala. Jarri dezagun edozein guda edo gatazka, iraganekoa edo orainaldikoa, eta ziur nago ezinezkoa dela ETAk egin nahi zuena egin ahal izan duenik inon aurkitzea. Hau da, aztertu genezake ia non gertatu den indarkeria nahierara erabili ondoren, biktima eta sufrimendua barra-barra zabaldu eta gero, arma bidezko estrategiak porrot eginik,  armategia baliogabetzeko orduan ere bere gustu hutsera egitea lortu duenik, ordura arte arerio gisa hartu dituenen doako laguntzarekin.

Armak 'entregatu' egingo ditu ETAk. Testuinguru horren baitan, 'entregatze' horrek amore ematea esan nahi du. Ez da, ordea, Madrilgo ereduaren arabera egingo den errendizioa. Euskal erakundeen parte hartzeak ireki du armagabetzearen bidea. Egiteko honetan, oso garrantzizkoa deritzot euskal erakunde guztiei dagokien betekizuna. Alde batetik, indarkeriaren aurrean herri-legitimitatearen nagusitasuna adieraztea.  Eta, bestetik, armagabetzea legearen azpikoa izango dela bermatzea, jasotako armak erabil daitezen argitzeke dauden atentatuak aztertzeko.

Hala ere, iaz esan nuen bezala, ez dut uste armak uztearekin konformatu behar dugunik. Terrorismoaren aroari bukaera eragingarria eman nahi badiogu, indarkeriaren erabilera elikatu duten diskurtsoen desarmea behar dugu, baita ere. Beraz, apirilerako iragarri den desarme materiala ez da nahikoa. Desarmea erabatekoa izateko, erroko autokritika hori falta zaio oraindik, borroka armatuaren bidezkotasuna aldarrikatu zuen pentsamenduari dagokion autokritika.

blog comments powered by Disqus
OHARRAK
  • Zubietako Udako Txokoak
    Zubietako Guraso Elkarteak udararako haur txokoak antolatuko ditu Zubietan, 2 eta 12 urte bitarteko haurrei zuzenduak. Txokoetan parte hartzeko, uztailaren 27ra arte aurretiko izen emate epea zabalik dago. Interesatuek zubietatxoko@gmail.com helbidera idatzi edo 649659786 telefonora dei dezakete.
  • Biyak bat elkarteko gizonen ileapaindegia martxan
    Biyak Bat elkarteak jakinarazten du, gizonezko ileapaindegi zerbitzua martxan dela. Ileapaindegiaren ordutegia honakoa da: astelehenetik ostiralera, goizez 10:00etatik 13:00etara eta arratsaldez, 16:00etatik 18:00etara.
  • Aterpea 25. urteurreneko afaria
    Aterpea Merkatari elkarteak 25. urteurrena ospatzen ari da. Ospakizunen artean, maiatzaren 19an, afaria antolatu du Maialen Chourraut kiroldegian. Ostean, dantzaldia izango da, Ibai Berriak taldeak girotua. Tiketak 40 euro balio ditu eta maiatzaren 12ra arte izango dira salgai elkarteko dendetan.
  • Galizia eta Portugalera bidaia
    Biyak Bat elkarteak bidaia antolatu du Galizia eta Portugaleko iparraldera, maiatzaren 27tik ekainaren 5ra. Elkarteko bazkideek 530 euro ordaindu behar dituzte; bazkideak ez direnek, berriz, 580 euro. Izena ematea elkarteko bulegoan egin behar da astelehenetik ostiralera 10:30etik 12:30era.
Lasarte-Oria
Gaur ez dago ekitaldirik Lasarte-Orian.
AZKEN PDFa
1418 ( Apirilak 20 )
GUARDIAKO FARMAZIAK
Urbistondo ( Osteguna)
San Frantzisko 1
Tel: 943 366567
ASTEA
    • Gil ( Ostirala )
      Kale Nagusia 24
      943 361529
    • Gandarias-Uribe ( Larunbata )
      Iñigo de Loyola 9
      943 019521
    • Gandarias-Uribe ( Igandea )
      Iñigo de Loyola 9
      943 019521
    • Acha-Orbea ( Astelehena )
      Hipodromo etorbidea 6
      943 363549
    • Lasa ( Asteartea )
      Kale Nagusia 42 atzea
      943 361774
    • Gandarias-Uribe ( Asteazkena )
      Iñigo de Loyola 9
      943 019521
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48